AVENARUM calamis pastum hauriendi mos

AVENARUM calamis pastum hauriendi mos

apud gentes quasdam ultimi Orientis, memoratur Solino c. 30. Aliis concreta ora sunt, modicô tantum foramine calamis avenarum pastus hauriunt. Ubi potum reponit Salmasius, ex Mela: Alii labris etiam cohaerentibus, nisi quod sub naribus etiam fistula est, per quam bibere avenis, et cum libido incessit vescendi, grana signula srugum passim nascentium absorbere dicuntur; vocem avena pro calamo vel stipula frugis ponente. Ut apud Poetam. Ecl. 1. v. 2.

------ carmen tenui meditaris avenâ.

i. e. calamô. Sic enim et Graeci avenam σίφωνα et σιφώνιον vocant, unde σιφωνίζειν τὸν οἰνον, calamis vinum haurire: et apud Lucillium Ciceroni laudatum, vivum, integrum, sipon cui nihil dempsit. Solus igitur potus calamis avenarum hauriebatur ab illis populis, qui ore concretô erant; grana vero frugum, quae absorendo edebant, in foramen et fistulam oris ponere consueverant, atque ita sorbere. Vide Salmas. ubi supra. p. 387.